Í umfjöllun um Alþjóðlegu vörusýninguna sem opnaði í Laugardalshöll 22. Ágúst 1975, var meðal annars fjallað um rafmagnsmótorhjól. Það var rafgeymafyrirtækið Pólar sem flutti inn tvö slík og sýndi, ásamt því að halda uppá dag mótorhjólsins fyrir gesti og gangandi. Guðbjörn Grímsson, sonur Gríms Valdimarssonar framkvæmdarstjóra Pólar á þessum tíma, mundi vel eftir því að hafa keyrt hjólið um alla höllina við mismunandi fögnuð sýningargesta. Hann sagði líka að drægnin hafi ekki verið mikil enda hafði hún ekki dugað til þess að hann kæmist heim. Mun annað þessara hjóla hafa dagað uppi í Pólar og loks verið hent mörgum árum síðar. Hitt hjólið var líklegast selt á Siglufjörð. Um þýskt hjól með vespulagi var að ræða og kallaðist það Solo Electric 720. Hámarkshraðinn var 25 km á klst og drægnin allt að 70 km við bestu aðstæður.
Hér má sjá grein sem birtist í Tímanum um hjólið 16. febrúar 1975, en þá var gripurinn nýkominn til landsins. Talað er um að fyrsta hjólið hafi farið uppá Akranes, en sonur Gríms hjá Pólum, Guðbjörn Grímsson, rekur minni til þess að fyrsta hjólið hafi farið á Siglufjörð. Gaman væri ef það væri til ennþá en annað hjól var til lengi í Pólar, allt þar til að því var hent fyrir mörgum árum síðan.
„Fyrsta vélknúna farartækið hér, sem ekki veldur mengun“
Eyðir rafmagni fyrir 200-300 kr. á ári
SJ—Reykjavik — Rafgeymaverksmiðjan Pólar h.f. hefur nýlega flutt fyrsta rafknúna hjólið til landsins. Hjól þetta er framleitt i Þýskalandi, og er árangurinn af orkukreppunni siðastliðinn vetur, en þá fóru ýmsir aðilar að leggja drög að farartækjum, sem ekki þarfnast bensíns eða olíu. Þetta fyrsta hjól fer upp á Akranes, en þar er að sögn talsverður áhugi á þessu farartæki, ekki sízt meðal kvenna, sem ætla að nota það til að fara á i vinnu i frystihúsinu og i snúninga. Hjólið kostar eins og er 100.000 kr. tilbúið á götuna. Rafmagnshjól þetta er af gerðinni Solo-Electra. Það er alveg hljóðlaust, knúið áfram af tveim litlum 12 volta rafgeymum. Það getur náð 30 km hraða eða meir og aka má á þvi rúma 40 kilómetra á hverri hleðslu. Þegar hjólið er ekki i notkun eru rafgeymarnir settir i samband við hleðslutæki, sem fylgir með hverju hjóli. Að sögn Grims Valdimarssonar hjá Pólum h.f. getur hleðslukostnaður aldrei orðið meiri en 200-500 kr. á ári, og er hærri talan miðuð við daglega notkun. Hjólið er 67 kg að þyngd og burðarþol þess 180 kg. Grimur Valdimarsson kvaðst hafa mikinn áhuga á að fylgjast með tilraunum með rafknúin farartæki. En síðan orkuvandamálið mikla skall yfir heiminn vegna hinna miklu verðhækkana á oliu hafa iðnaðarríkin lagt mikla áherzlu á að finna nýja orkugjafa og hefur geysimiklu fé verið eytt til slikra tilrauna. Nú þegar eru i notkun bæði i Bretlandi og Þýzkalandi rafknúnir strætisvagnar í tilraunaskyni og hafa þeir reynzt framar öllum vonum. Sagði Grimur að vegalengirnar milli Reykjavikur, Kópavogs og Hafnarfjarðar virtust mjög hæfilegar fyrir slik farartæki. Japanir eru mjög framarlega i tilraunum með rafmagnsbila og eru Datsunverksmiðjurnar nú að gera tilraun með einn slikan, sem mun hafa gefið góða raun og þeir binda miklar vonir við. Hollendingar eru einnig að reyna bil, svipaðan „rúgbrauðs” sendiferðabifreiðum i lögun.
Rafmagnshjól eins og það, sem nú er komið hingað, hefur að sögn orðið mjög vinsælt i Þýzkalandi, einkum til daglegrar notkunar á stuttum vegalengdum. Pólar h.f. munu á næstunni flytja inn fleiri hjól af þessari gerð og framleiða rafgeyma fyrir þau i framtíðinni.
