Elsta mótorhjól sem til er í heiminum í dag er 1894 árgerð af vel varðveittu Hildebrand & Wolfmuller mótorhjóli. Það var á dögunum selt á uppboði hjá Bonhams í Bretlandi og fór þar fyrir 30 milljónir króna.
![](https://fornhjol.is/wp-content/uploads/2023/02/Screenshot-2023-02-10-at-08.35.59-1024x678.png)
Hildebrand & Wolfmuller mótorhjólið er fyrsta farartækið sem kallað var mótorhjól og er athyglisvert að mörgu leyti. Það er með 1.488 rsm V2-vél sem er vatnskæld og er afturbrettið í raun og veru tankur fyrir vatnið.
![](https://fornhjol.is/wp-content/uploads/2023/02/Screenshot-2023-02-10-at-08.36.56.png)
Stimplar vélarinnar voru beintengdir við afturhjólið, sem er með heilli felgu sem virkaði eins og svinghjól. Gúmmíteygjur sáu um að hjálpa stimplunum að koma til baka. Hjólið kemur á loftfylltum dekkjum, þeim fyrstu frá Dunlop sem voru fyrir mótorhjól.
![](https://fornhjol.is/wp-content/uploads/2023/02/Screenshot-2023-02-10-at-08.38.26.png)
Hjólið gat náð um 50 km hraða og til að stöðva það voru nokkrar skeiðar sem lögðust upp að dekkinu þegar tekið er í bremsuhandfangið.
![](https://fornhjol.is/wp-content/uploads/2023/02/Screenshot-2023-02-10-at-08.36.20.png)
Hjólið hefur verið í eigu sama aðila frá 1990 en það var spænskur safnari að nafni Carlos Garriga. Ekki fylgir fréttinni hver það var sem keypti hjólið.
![](https://fornhjol.is/wp-content/uploads/2023/02/Screenshot-2023-02-10-at-08.37.44.png)